Arratsalde fotografikoa

Joan den ekainean, Zumediaren webgunea eguneratzeko eta hobetzeko gure proiektuari forma ematen jarraitzeko asmoz, eskolako zenbait familia bolondresen laguntzaz argazki-saio bat antolatu genuen.

Santi Vaquero argazkilaritzazale eta eskolako aitona den lankidetza eskuzabalarekin, txikiek erakutsitako gogo eta jarrera onari esker eta Uhartek eskaintzen zigun ingurune aparta probestuz, zaila zirudien argazki-saioa aurrera ateratzea lortu genuen, une hartako murrizketak alde ez genituen arren.

Saio horretatik ateratako argazkiak etorkizuneko proiektuak irudikatzeko material modura argitaratuta ikusteko aukera izango dugu.

Oso pozik gaude orain arteko emaitzarekin eta elkarte gisa, eskola osatzen dugun pertsonen (haurrak, gurasoak eta aiton-amonak) talde-lanari esker lortu dugu.

Proiektu honetan modu batera edo bestera parte hartu duzuen guztiei eskerrik beroena. Berriz ere, gure gogo eta ilusioak irudikatutako helburua lortzen lagundu digu.

Guztion arteko lankidetza-zubi honen lehenengo harria jarrita dago eta prest gaude aurrerantzean etorriko direnentzat ere.